Gísli Jón Höskuldsson, byggingameistari í Kópavogi, bauð lægst í byggingu leikskóla við Þelamörk í Hveragerði sem rísa á á næsta ári.
Tilboð Gísla hljóðaði upp á rúmar 583 milljónir króna. Aðeins munaði tæplega 680 þúsund krónum á tveimur lægstu tilboðunum, en JÁVERK ehf. á Selfossi bauð rúmlega 583,7 milljónir króna í verkið.
Hæsta tilboðið kom svo frá Íslenskum aðalverktökum hf í Reykjavík, tæpar 694,3 milljónir króna.
Kostnaðaráætlun verksins hljóðar upp á rétt tæpar 512,8 milljónir króna.
Verkið felst í að steypa upp og fullgera að utan og innan rúmlega 1.090 fermetra leikskólahúsnæði ásamt þremur smáhýsum og rúmlega 6.900 fermetra lóð.
Verkið á að vera að fullu lokið fyrir 1. október á næsta ári.
Heimild: Sunnlenska.is
