Orka náttúrunnar ohf. hefur auglýst útboð vegna verkefnisins „ONU-2604-0013 Endurnýjun endabúnaðar rafala á Nesjavöllum“.
Verkið felst í endurnýjun endabúnaðar rafala á Nesjavöllum, nánar tiltekið á Vél 1, og er hluti af viðhaldi og endurnýjun búnaðar á jarðvarmavirkjunarsvæðinu.
Verkinu skipt í tvo verkáfanga
Samkvæmt útboðslýsingu skiptist verkefnið í tvo verkáfanga:
- Kaup á nýjum endabúnaði rafala (Vél 1)
- Skiladagur: 28. febrúar 2027
- Útskipti endabúnaðar rafala (Vél 1)
- Skiladagur: 31. ágúst 2027
Fram kemur að ráðgert sé að framkvæmdir við útskipti fari fram samkvæmt viðhaldsáætlun sumarið 2027. Þá er vakin athygli á því að framkvæmdartími vegna endurnýjunarinnar geti tekið allt að þrjár vikur.
Tilboð opnuð í júní
Útboðsgögn verða afhent frá og með 15. maí 2026 klukkan 15:00.
Tilboð skulu berast fyrir klukkan 11:00 þann 5. júní 2026 og verða tilboðin opnuð á sama tíma.
