Steypustöðin leitar að vélamanni á jarðýtu í fullt starf
Steypustöðin auglýsir eftir öflugum og nákvæmum vélamanni til starfa við efnisvinnslu í Vatnsskarðsnámu. Um er að ræða fullt starf með möguleika á yfirvinnu og er æskilegt að viðkomandi geti hafið störf sem fyrst.
Starfið felst í stjórnun jarðýtu við efnisvinnslu í námunni og gegnir lykilhlutverki við að tryggja öruggt og skilvirkt flæði efnis til áframhaldandi vinnslu.
Helstu verkefni og ábyrgð
Meðal verkefna eru:
- Stjórnun jarðýtu við efnisvinnslu í námu
- Að ýta efni úr námunni niður að vinnslubúnaði
- Að tryggja jafnt og öruggt flæði efnis til áframhaldandi vinnslu
- Daglegt eftirlit og umhirða vinnuvélar
- Tilkynningar um bilanir og viðhaldsþarfir
- Önnur tilfallandi störf
Menntunar- og hæfniskröfur
Leitað er að einstaklingi sem hefur:
- Réttindi til stjórnar stórum vinnuvélum, svo sem hjólaskóflu, beltagröfu og jarðýtu
- Meirapróf er kostur
- Reynslu af sambærilegu starfi, þó hún sé ekki nauðsynleg
- Góða samskiptahæfni og samviskusemi
- Íslensku- og/eða enskukunnáttu
- Metnað og áhuga á efnisvinnslu
Fríðindi í starfi
Steypustöðin býður meðal annars upp á:
- Jákvætt og hvetjandi vinnuumhverfi
- Líkamsræktarstyrk
- Námskeið og fræðslu
- Fjölbreytt verkefni
- Hádegismat
Vinnutími er frá kl. 07:30 til 18:00 á virkum dögum, með möguleika á yfirvinnu.
Um Steypustöðina
Steypustöðin var stofnuð árið 1947 og er eitt af stærstu fyrirtækjum landsins á sviði framleiðslu og afhendingar steypu. Félagið rekur meðal annars flotbílaflota fyrir flotmúr, múrverslun, efnisvinnslu og stærstu einingaverksmiðju landsins í Borgarnesi.
Fyrirtækið er með starfsemi á nokkrum stöðum á landinu, þar á meðal í Reykjavík, Hafnarfirði, Selfossi, Helguvík, Borgarnesi og Vík í Mýrdal. Hjá Steypustöðinni starfa nú tæplega 300 starfsmenn.
Sótt er um starfið í gegnum umsóknarvef Alfreðs með ferilskrá og kynningarbréfi. Nánari upplýsingar veitir Rögnvaldur Andri Halldórsson, rekstrarstjóri námu, á netfanginu rognvaldur@steypustodin.is.
Umsóknarfrestur err til 28. júní 2026
Sækja um starfið á Alfred.is
Efni: Steypustöðin leitar að vélamanni á jarðýtu í fullt starf
