Fyrsta skóflustungan hefur verið tekin að nýrri íbúðagötu, Skógartúni, í Vesturbyggðinni á Borg í Grímsnesi þar sem fyrirhuguð er uppbygging einbýlis-, par- og raðhúsa.
Skóflustungan var tekin 7. maí og markar upphaf framkvæmda við nýtt íbúðahverfi á svæðinu.
Nýtt íbúðahverfi á Borg í Grímsnesi
Við Skógartún verða lóðir undir:
- Einbýlishús
- Parhús
- Raðhús
Samhliða uppbyggingu hverfisins verður lagður nýr aðkomuvegur sem síðar mun tengjast Biskupstungnabraut. Þá verða einnig lagðir göngustígar um hverfið.
Jarðtækni sér um framkvæmdirnar
Framkvæmdin var boðin út fyrr á árinu og var í kjölfarið samið við Jarðtækni ehf. um verkið.
EFLA sá um hönnun verkefnisins og Verkís verður með eftirlit með framkvæmdunum.
Uppbygging í Vesturbyggðinni
Framkvæmdirnar marka áframhaldandi uppbyggingu í Vesturbyggðinni á Borg í Grímsnesi þar sem stefnt er að fjölbreyttu íbúðahverfi með bættri tengingu við samgöngur og útivistarsvæði.
Heimild: Gogg.is
