Rannsóknahús Nýs Landspítala ganga samkvæmt áætlun
Framkvæmdir við rannsóknahús Nýs Landspítala halda áfram samkvæmt áætlun og hefur uppsetning útveggjakerfis nú náð mikilvægum áfanga. Rúmlega 70% útveggjaeininga hússins hafa verið settar upp og vinna við lokun byggingarinnar er komin vel á veg.
Samhliða uppsetningu útveggjakerfisins er hafin uppsetning stálvirkis fyrir þakglugga í miðrými hússins, sem er einn af lykilþáttum næstu áfanga framkvæmdarinnar.
Meirihluti útveggja kominn á sinn stað
Að sögn Árna Kristjánssonar, staðarverkfræðings hjá NLSH, ganga framkvæmdir vel og nú sé stærstur hluti útveggja hússins kominn upp.
„Framkvæmdir við rannsóknahúsið halda áfram og uppsetning útveggjaeininga er komin vel á veg og nú er stærstur hluti þeirra kominn á sinn stað. Nú er hafin uppsetning stálvirkis fyrir þakglugga í miðrými hússins og unnið er að þakfrágangi og uppsetningu regnvatnslagna,“ segir Árni Kristjánsson, staðarverkfræðingur hjá NLSH.
Þakfrágangur og regnvatnslagnir í fullum gangi
Á næstu vikum verður megináhersla lögð á:
- Uppsetningu útveggjakerfis
- Frágang þaka
- Uppsetningu regnvatnslagna
- Stálvirki þakgluggans
- Undirbúning næstu verkáfanga
Þessir verkþættir eru mikilvægir til að tryggja að byggingin verði vatnsheld og hægt verði að hefja næstu framkvæmdaáfanga samkvæmt verkáætlun.
Innri frágangur og tæknikerfi undirbúin
Samhliða ytri framkvæmdum stendur yfir undirbúningur útboða vegna innri frágangs og tæknikerfa hússins. Markmiðið er að næstu verkþættir geti hafist strax þegar byggingunni hefur verið lokað.
Rannsóknahúsið verður einn af lykilinnviðum hins nýja háskólasjúkrahúss og mun hýsa rannsóknastarfsemi og sérhæfða aðstöðu fyrir heilbrigðisþjónustu framtíðarinnar.
Heimild: NLSH.is
Efni: Rannsóknahús Nýs Landspítala ganga samkvæmt áætlun
