Opnun útboðs:
Lægsta tilboð í fullnaðarfrágang hreinsistöðvar við Geitanes í Árborg nam rúmum 260 milljónum króna þegar tilboð voru opnuð í verkefnið.
Málið var tekið fyrir á fundi eigna- og veitunefndar Árborgar þann 5. maí 2026 þar sem farið var yfir innkomin tilboð vegna útboðs á hreinsistöðinni við Geitanes.
Tré og straumur með lægsta tilboðið
Alls bárust fimm tilboð í verkið. Lægsta tilboðið kom frá Tré og straumi ehf. sem bauð 260.757.985 krónur eða 104,7% af kostnaðaráætlun verksins.
K16 ehf. bauð 264.948.297 krónur, Tindhagi ehf. bauð 283.272.115 krónur, Fortis ehf. bauð 310.020.578 krónur og Vörðufell ehf. bauð 314.040.017 krónur.
Kostnaðaráætlun verksins hljóðaði upp á 248.954.999 krónur.
Fullnaðarfrágangur hreinsistöðvar við Geitanes
Eigna- og veitunefnd fól sviðsstjóra mannvirkja- og umhverfissviðs að ganga til samninga við lægstbjóðanda, að því gefnu að kröfur útboðsgagna verði uppfylltar.
Framkvæmdin snýr að fullnaðarfrágangi hreinsistöðvar við Geitanes í Sveitarfélaginu Árborg.
Opnunarskýrsla útboðs_Hreinsistöð fullnaðarfrágangur_300426.pdf
Heimild: Árborg
