NATO boðar forval vegna uppbyggingar eldsneytishafnar í La Spezia á Ítalíu
Mannvirkjadeild ítalska varnarmálaráðuneytisins hefur auglýst forval vegna umfangsmikils verkefnis tengdu uppbyggingu eldsneytishafnar NATO í La Spezia á Ítalíu.
Verkefnið er hluti af uppbyggingu mikilvægra varnarmannvirkja fyrir Atlantshafsbandalagið og felur í sér stækkun hafnaraðstöðu fyrir móttöku og dreifingu flugvélaeldsneytis.
Utanríkisráðuneytið, varnarmálaskrifstofa og varnarmálasvið Landhelgisgæslunnar vekja athygli íslenskra fyrirtækja á verkefninu sem gæti skapað tækifæri fyrir fyrirtæki með reynslu af stórum innviðaverkefnum og varnarmannvirkjum.
550 metra stálþilsbryggja
Verkið felur meðal annars í sér:
- Lengingu hafnarkants með 550 metra stálþilsbryggju.
- Uppsetningu eldvarnarkerfa.
- Raflagnir og rafbúnað.
- Uppsetningu vélbúnaðar.
- Eldsneytislagnir og tengdan búnað.
- Myndavélakerfi og öryggisvöktun.
- Aðgangsstýringarkerfi.
Framkvæmdin er hluti af uppbyggingu innviða NATO sem ætlað er að styrkja eldsneytisflutninga og rekstrargetu bandalagsins á Miðjarðarhafssvæðinu.
NATO SECRET öryggisvottun skilyrði
Vegna eðlis verkefnisins eru gerðar ríkar kröfur um öryggismál.
Áhugasöm fyrirtæki þurfa að geta öðlast öryggisvottun allt að NATO SECRET samkvæmt ákvæðum reglugerðar nr. 959/2012. Tæknigögn verkefnisins eru ekki birt opinberlega heldur einungis aðgengileg í höfuðstöðvum GENIODIFE, mannvirkjadeildar ítalska varnarmálaráðuneytisins í Róm.
Forvalsfrestur til 30. júní
Um forval er að ræða og þurfa fyrirtæki að senda inn formlega umsókn þar sem gerð er grein fyrir reynslu, tæknilegri getu og hæfi til þátttöku.
Skilafrestur umsókna er til kl. 10:00 þann 30. júní 2026.
Helstu upplýsingar
- Verkefni: Forval – Uppbygging eldsneytishafnar NATO við La Spezia
- Skilafrestur: 30. júní 2026 kl. 10:00
- Staðsetning: La Spezia, Ítalía
Verkefnið telst eitt af stærri varnarmannvirkja- og hafnarverkefnum sem nú eru í undirbúningi innan NATO og gæti verið áhugavert fyrir íslensk verkfræði-, byggingar- og innviðafyrirtæki með alþjóðlega reynslu og getu til að uppfylla strangar öryggiskröfur.
Tengiliður: Alessandro Scalcione, grprog.nato-int.cauff@geniodife.difesa.it
Efni: NATO boðar forval vegna uppbyggingar eldsneytishafnar í La Spezia á Ítalíu
