Jarðvinna boðin út fyrir nýtt öryggisfangelsi á Stóra-Hrauni
Framkvæmdasýslan – Ríkiseignir (FSRE), fyrir hönd dómsmálaráðuneytisins, hefur auglýst útboð á umfangsmiklum jarðvinnuframkvæmdum vegna nýs öryggisfangelsis að Stóra-Hrauni í sveitarfélaginu Árborg.
Nýja fangelsið verður reist á Stóra-Hrauni og mun leysa af hólmi núverandi fangelsi að Litla-Hrauni. Um er að ræða eitt stærsta mannvirkjaverkefni ríkisins á sviði fangelsismála á síðari árum.
128 plássa öryggisfangelsi í tveimur áföngum
Áformað er að byggja nýtt öryggisfangelsi sem rúmar alls 128 afplánunarrými. Framkvæmdinni verður skipt í tvo áfanga.
Í fyrsta áfanga verður reist:
- Almenn fangadeild fyrir 56 fanga
- Skólabygging
- Vinnustofa
- Vöruhús
- Hliðbygging
- Gesta- og starfsmannaaðstaða
- Bílastæði
Í síðari áfanga verða meðal annars byggð:
- Öryggisdeild fyrir 16 fanga
- Fyrirmyndardeild fyrir 56 fanga
- Viðbótarvinnustofur
- Starfsmannahús
- Sérbílastæði fyrir starfsfólk
Umfangsmikil jarðvinna
Útboðið tekur til jarðvinnu og undirbúnings fyrsta áfanga framkvæmdarinnar. Helstu verkþættir eru:
- Aðstöðusköpun og vinnubúðir
- Vegagerð innan framkvæmdasvæðis
- Lagning veitna og rafstrengja
- Afvötnun svæðis
- Jarðvinna fyrir mannvirki
- Fyllingar og jarðvegsskipti
- Uppsetning ytri netgirðinga
Evrópskt útboð
Um er að ræða almennt útboð samkvæmt lögum um opinber innkaup og er verkefnið auglýst á Evrópska efnahagssvæðinu.
Útboðsgögn eru aðgengileg í útboðskerfi FSRE, TendSign.
Helstu dagsetningar
- Útboðsgögn afhent: 25. júní 2026
- Skilafrestur tilboða: 20. ágúst 2026 kl. 12:00
- Opnun tilboða: 20. ágúst 2026 kl. 13:00
Mikilvægur áfangi í endurnýjun fangelsiskerfisins
Bygging nýs öryggisfangelsis að Stóra-Hrauni markar tímamót í uppbyggingu fangelsismannvirkja á Íslandi. Með verkefninu er stefnt að því að bæta aðstöðu fanga og starfsfólks, auka öryggi og skapa nútímalegt fangelsisumhverfi sem uppfyllir kröfur framtíðarinnar.
Allar nánari upplýsingar um er að finna í útboðskerfi FSRE, TendSign.is.
Efni: Jarðvinna boðin út fyrir nýtt öryggisfangelsi á Stóra-Hrauni
