Tugmilljarða framkvæmdir eru að hefjast á Kársnesi í Kópavogi við uppbyggingu íbúða og atvinnuhúsnæðis. Áformað er að byggja brú yfir Fossvog sem mun tengja Kársnesið við Vatnsmýrina í Reykjavík.
Ferðaþjónustufyrirtæki sjá mikil tækifæri í uppbyggingu gistiaðstöðu á þessum tveimur svæðum. Deiliskipulagi fyrir tvær lóðir á Vesturvör á Kársnesi hefur verið breytt og hafa tvær lóðir undir starfsemi WOW Air verið stækkaðar. Heimilt verður að byggja 12 þúsund fermetra húsnæði á hvorri lóð og fer önnur undir höfuðstöðvar flugfélagsins en hin undir hótel.
Vestan við fyrirhugað hótel er annað hótel, svonefnt Spa hótel, í undirbúningi.
Heimild: Mbl.is
