Þann 10.febrúar hófust framkvæmdir við uppsetningu nýrrar göngubrúar sem liggur á milli Barnaspítala og meðferðarkjarna.
Áætlað er að fullnaðarfrágangur við brúnna fari fram samhliða innanhúsframkvæmdum við meðferðarkjarna og brúin tekin í notkun að þeim loknum. Brúin er í mikilli nálægð við inngang Barnaspítalans og er gætt ýtrasta öryggis gangandi vegfaranda á meðan framkvæmdum stendur.
Verktaki er Eykt , og verkið er unnið í nánu samstarfi við Landspítala.
„Uppsetningin hefur farið fram í mikilli nálægð við Barnaspítala og óhjákvæmilega valdið truflun á inngangi og auknum hávaða á meðan á framkvæmdum stendur.
Við þökkum starfsfólki, skjólstæðingum og gestum Barnaspítala fyrir sýnda þolinmæði og skilning á þessu tímabili,“ segir Kristinn Jakobsson verkefnastjóri hjá NLSH.
Heimild: NLSH.is
