Skömmu fyrir jól auglýsti Vegagerðin útboð á eftirliti og ráðgjöf með byggingu tveggja steyptra brúa Vestfjarðarvegi um Gufudalssveit.
Annarsvegar er um að ræða 58 m langa brú á Djúpafjörð við Grónes og hinsvegar um 130 m langa brú á Gufufjörð.
Innifalið í verkinu er rif á núverandi 119m bráðabirgðarbrú á Gufufirði ásamt efnisflutningum úr núverandi vinnuplönum og gerð grjótvarnar/rofvarnar.
Verklok eru áætluð í lok árs 2026.
Tilboðum skal skilað fyrir kl. 14:00 þriðjudaginn 27. janúar 2026.
Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda í útboðinu og föstudaginn 30. janúar 2026 verður verðtilboð hæfra bjóðenda kynnt.
Útboðið er auglýst á Evrópska efnahagssvæðinu.
Heimild: BB.is
