Af öllum þeim íbúðum sem til sölu voru á höfuðborgarsvæðinu í byrjun desembermánaðar var tæplega helmingurinn nýr eða 47,3%.
Þetta kemur fram í mánaðarskýrslu Húsnæðis- og mannvirkjastofnunar um fasteignamarkaðinn.
Um 1.600 nýjar íbúðir til sölu
Alls voru um 3.400 íbúðir til sölu á höfuðborgarsvæðinu í upphafi mánaðar og nýjar íbúðir til sölu á svæðinu því um 1.600 talsins.
Hlutdeild nýrra íbúða í framboði var 43,3% í nágrenni höfuðborgarsvæðisins og um 16,2% annars staðar á landsbyggðinni.
Heimild: Mbl.is
