Útilokað að sex bílastæði dugi

Harðar at­huga­semd­ir hafa borist Reykja­vík­ur­borg vegna fyr­ir­hugaðrar breyt­ing­ar á deili­skipu­lagi lóðar­inn­ar við Birki­mel 1. Um er að ræða lóð þar sem nú er bens­ín­stöð, en nú liggja fyr­ir áform um að reisa þar 4-5 hæða fjöl­býl­is­hús með 42 íbúðum.

Í um­sögn­um í Skipu­lags­gátt gagn­rýna íbú­ar og hús­fé­lög skort á sam­ráði, skerðingu á birtu, ásýnd og götu­mynd, sem og áhrif á gróður, út­sýni og bíla­stæðamál.

Horfið frá heild­ar­sýn

Morg­un­blaðið fjallaði í síðustu viku um sam­eig­in­lega um­sögn stjórn­enda Há­skóla Íslands, Lands­bóka­safns Íslands – Há­skóla­bóka­safns, Stofn­un­ar Árna Magnús­son­ar og Fé­lags­stofn­un­ar stúd­enta, þar sem þeir lýsa ein­dreg­inni and­stöðu við breyt­ing­una. Í um­sögn­inni kem­ur fram að svæðið sé hluti af samþykktri þró­un­ar­áætl­un Há­skól­ans sem unn­in hafi verið í sam­starfi við borg­ina og er­lenda ráðgjafa og samþykkt í des­em­ber 2024. Þar sé svæðinu vest­an Suður­götu ætlað hlut­verk framtíðarmiðju mennta- og menn­ing­ar­starf­semi.

Heimild: Mbl.is