Hamranesskóli verður tekinn í notkun í þremur áföngum og sá fyrsti eftir ár. Ístak varð hlutskarpast í útboði og gengið hefur verið til samninga við verktakafyrirtækið. Skólinn verður sá tólfti í Hafnarfjarðarbæ.
Verksamningur um uppbyggingu Hamranesskóla var undirritaður í bæjarskrifstofum Hafnarfjarðar í síðustu viku. Ístak byggir skólann. Skólinn verður um 8800 fermetrar.
Áætlað er að skólinn verði tekinn í notkun í þremur áföngum. Stefnt er að því að fyrsti áfangi verði tilbúinn sumarið 2026, annar áfanginn ári síðar og sá þriðji sumarið 2028. Samningsupphæðin er um 6 milljarðar króna.
Hamranesskóli verður 12 grunnskólinn í Hafnarfjarðarbæ. Sá tíundi sem bærinn rekur en þar eru einnig sjálfstætt starfandi skólar; Barnaskóli Hjallastefnunnar og Nú.
Skóli fyrir eins til sextán ára
Hamranesskóli verður heildstæður skóli fyrir börn á aldrinum 12 mánaða til 16 ára. Skólinn verður byggður samkvæmt metnaðarfullri hugmyndafræði og býður uppá spennandi tækifæri til nýbreytni í skólastarfi. Í skólanum verður frístundaheimili og félagsmiðstöð ásamt útbúi frá Tónlistarskóla Hafnarfjarðar. Nú er auglýst eftir skólastjóra sem verður ráðinn frá nóvembermánuði.
Skólinn var boðinn út í alútboði í nóvember. Þrír verktakar tóku þátt; Ístak, Eykt og ÞG verktakar. Eftir yfirferð á tilboðum og opnun tilboða, var ljóst að Ístak var með hagstæðasta tilboðið.
Skólinn verður miðstöð hverfisins. En í skólanum er aðstaða fyrir tónlistarmenntun, bókasafn fyrir hverfið, hreyfisalur og góð aðstaða fyrir félagsstarf.
Verkefninu er skilað í áföngum í samræmi við gögn alútboðsins þar sem segir:
Heimild: Hafnarfjordur.is
