Rangárþing ytra hefur samið við fyrirtækið Laiderz um kaup á gervigrasi fyrir nýja knattspyrnuvöllinn á Hellu.
Um er að ræða 40–50 mm FIFA-vottað gervigras með fjaðurlagi, sama tegund og verið var að leggja á Hásteinsvöll í Vestmannaeyjum. Tilboðið frá Laiderz hljóðar upp á 87,4 milljónir króna og rúmast innan kostnaðaráætlunar verksins.
Tilboðið felur í sér fullnaðarfrágang á gervigrasinu, viðhaldsbúnað, mörk, hornfána, festingar ásamt merkingum og prófunum samkvæmt FIFA Quality staðli.
Stefnt er að því að fyrsti leikurinn á nýju gervigrasi verði leikinn á Töðugjöldum í ágúst næstkomandi.
Heimild: Sunnlenska.is
