Meðferðarkjarni – frágangur innanhúss 1. áfangi (Ílögn og rykbinding)
Nýr Landspítali ohf. (NLSH), óskar eftir tilboðum verktaka í útboðsverkið: Meðferðarkjarni (MFK) – frágangur innanhúss 1. áfangi (Ílögn og rykbinding) á hæðum K1 og K2.
Verkið er liður í uppbyggingu nýs Landspítala við Hringbraut. Það innifelur frágang á ílögn og rykbindingu gólfa sem og rykbindingu, sandspörslun og grunnun steyptra veggja á hæðum K1 og K2.
Einnig skal verktaki ljúka við og skila lagnaleiðum raflagna í ílögn ásamt hluta sk. Faraday búra í ýmis rými er koma í ílögn í Meðferðarkjarna nýs Landspítala við Hringbraut. Heildarflatarmál Meðferðarkjarna er um 70.000 fermetrar.
Um útboðið gildir ÍST 30:2012 Almennir útboðs- og samningsskilmálar um verkframkvæmdir.
Spurningar og svör verða meðhöndluð í hinu rafræna útboðskerfi.
| Útboðsgögn afhent: | 06.03.2024 kl. 10:57 |
| Skilafrestur | 08.04.2024 kl. 11:00 |
| Opnun tilboða: | 08.04.2024 kl. 11:15 |
Tilboðum skal skilað rafrænt í útboðskerfinu.
