Stjórnarformaður Vinnslustöðvarinnar greindi frá því á ársfundi félagsins að stjórn þess hefði ákveðið að fresta um sinn boðuðum áformum um nýtt átta þúsund fermetra botnfiskvinnsluhús.
Það væri gert í varúðarskyni vegna alþjóðlegs óvissuástands í efnahagsmálum með tilheyrandi áhrifum á starfsemi fjármálastofnana erlendis og hérlendis.
Á ársfundi sem haldinn var í apríl í fyrra var tilkynnt að hafinn væri undirbúningur að uppbyggingu nýs húss fyrir botnfiskvinnslu Vinnslustöðvarinnar.
Gömul hús yrðu rifin og ný byggð í áföngum svo unnt yrði að halda fiskvinnslu gangandi allan tímann.
Heimild: Fiskifrettir.vb.is
