Framkvæmdasýsla ríkisins, f.h. fjármála- og efnahagsráðuneytisins, óskar eftir tilboðum í framkvæmdir við endurinnréttingu á 1. og 2. hæð vesturálmu Arnarhvols, alls á um 710 m². Endurgerð skal vera í samræmi við það sem áður hefur verið gert við vesturhluta 3. hæðar en mikilvægt er að samsvörun verði í framkvæmdunum samanber verklýsingar og efnisval hönnuða.
Svæðið sem endurinnrétta á hefur verið undirbúið á þann hátt að það er tilbúið til innréttingar. Þegar er lokið niðurrifi á innréttingum, gólfefnum og loftaefni. Einnig er búið að flota gólf.
Helstu magntölur eru:
| Gifsinnveggir og klæðningar | 310 m² |
| Glerjaðir innveggir og glerskilrúm | 130 m³ |
| Gifsloft og loftakerfi | 180 m² |
| Einangruð og dúkklædd loft | 453 m² |
| Málaðir veggfletir og loft | 1300 m² |
| Parketlagðir gólffletir | 644 m² |
Vettvangsskoðun verður haldin mánudaginn 11. janúar kl. 11 að viðstöddum fulltrúa verkkaupa. Verkinu skal vera að fullu lokið eigi síðar en 31. maí 2016. Útboðsgögn verða til sýnis og sölu á kr. 3.500 hjá Ríkiskaupum, Borgartúni 7C, 105 Reykjavík . Tilboðin verða opnuð hjá Ríkiskaupum þriðjudaginn 19. janúar 2016 kl. 11 að viðstöddum þeim bjóðendum sem þess óska.
