Verkið felst í endurnýjun fráveitulagna í Sóltúni og Miðtúni. Endurnýjun felst í jarðvegsskiptum, lagnavinnu og yfirborðsfrágangi. Er þessu nánar lýst í verklýsingu.
Verkið skal vinna í samræmi við ákvæði gildandi laga og reglugerða sem eiga við þessa framkvæmd og er verktaki ábyrgur fyrir því að þeim sé fylgt.
Verkkaupi býður einnig út verkið „Garðavegur – Endurnýjun fráveitulagna“ og verða tilboð opnuð samtímis. Ef sami aðili verður lægstur í bæði verkin áskilur verkkaupi sér rétt til að semja við þann aðila um bæði verkin og framlengja skilafrest á öðru verkinu um 6 vikur. Einnig áskilur verkkaupi sér rétt að semja við lægstbjóðanda einungis um annað verkið ef verkkaupi metur það svo að hann hafi ekki burði til að vinna bæði verkin samtímis.
Verktaki skal skila verkinu til verkkaupa í samræmi við ákvæði útboðsgagna.
Bjóðendum er bent á að kynna sér vel allar aðstæður á svæðinu.
Útboðsyfirlit:
- Tegund útboðs: Opið útboð
- EES útboð: Nei
- Skilafrestur tilboðs. 14 maí 2021 kl:13:00
- Opnunartími tilboða: 14. maí 2021 13:01
- Opnunarstaður tilboða: Tjarnargata 12, Reykjanesbæ.
- Gildistími tilboðs: Fjórar (4) vikur
- Verklok: 20. ágúst 2021
- Verðlagsgrundvöllur: Verkið verðbætist ekki
- Frávikstilboð: Eru ekki heimiluð
- Fylgigögn með tilboði: 1. Tilboðsblað, 2. Tilboðsskrá. (tilboðið er ógilt án þeirra)
Þeir sem áhuga hafa á að gera tilboð í verkið/verkin geta fengið útboðsgögn send með því að senda ósk þar um í tölvupósti á tölvupóstfangið gunnar.e.geirsson@reykjanesbaer.is
