F.h. umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Stígar – Gufunes útivistarsvæði, útboð nr. 15009
Lauslegt yfirlit yfir verkið:
Verkið felur í sér yfirborðfrágang við stíga í Gufunesi. Annars vegar er um að ræða stíga sem eru tilbúnir til malbikunar; stíga sem þarf að setja jöfnunarlag og malbika; stíga þar sem jarðvegsskipti þurfa að fara fram og að lokum stígur sem á að lagfæra með heflun og bera í stíginn nýtt yfirborðsmalarlag. Ennfremur á að klára að setja upp lýsingu meðfram stígum.
Helstu verkþættir eru: Gröftur, fylling, veitulagnir (rafmagn), malbikun, jöfnun núverandi malarstígs og annar yfirborðsfrágangur.
Útboðsgögn verða aðgengileg á útboðsvef Reykjavíkurborgar frá kl. 13:00 þann 5. október 2020, á vefslóðinni: http://utbod.reykjavik.is Nýskráning fyrirtækja hefst með því að smella “Nýskráning“.
Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 16. október 2020.
