Þekkjum við þetta ekki hérna á Íslandi? Byggingar líta allt öðruvísi út þegar þær eru risnar en þær voru á útlitsmyndum arkitekta og byggingaraðila.
Það má kannski fara að líta á þetta sem sjálfstætt vandamál, því ef þetta er rauninn er erfitt að taka alvöru afstöðu til nýbygginga.
Dæmið hér á myndinni er frá Osló. Þetta er nýja Munch-safnið þar í borg. Húsið er kallað Lambda, vegna þess að það minnir á grískan bókstaf með því nafni. Hanna Geiran skrifar um bygginguna á vefnum Vart Oslo.
Villandi teikningar af nýjum húsum eru vandamál, er yfirskrift greinarinnarinnar, höfundurinn tekur svo djúpt í árinni að kalla þetta lýðræðislegt vandamál.
Við þekkjum þetta hér. Voru til dæmis myndirnar sem birtust af óbyggðu Hafnartorgi nægilega líkar útkomunni eins og hún lítur út í dag? Og svo má náttúrlega spyrja, að hve miklu leyti eru slíkar blekkingar vísvitandi?
Heimild: Dv.is Eyjan
