F.h. Umhverfis- og skipulagssviðs Reykjavíkurborgar auglýsir eftir þátttakendum í forvali til að taka þátt í lokuðu alútboði vegna:
Íþróttahús í Suður Mjódd, EES Forval – Alútboð nr. 14709
Fyrirhugað er að reisa íþróttahús á svæði ÍR í Suður – Mjódd. Húsið verður staðsett suðaustan við fjölnotahús sem nú er í byggingu.
Áætlað er að reisingu fjölnotahúss verði lokið í mars 2020. Innangengt verður á milli þessara húsa.
Íþróttahúsið sem reisa skal verður á tveimur hæðum, alls um 4220 m² en þar af er íþróttasalurinn um 2400 m² (65,5×36,5m) á einni hæð.
Í húsinu verður hægt að iðka ýmsar íþróttir, bæði æfingar og keppni, en miðað er við að kröfum til keppni í handbolta og körfubolta verði mætt. Fjöldi áhorfenda verður um 800 manns.
Alútboð þetta nær yfir verkfræðihönnun og byggingu hússins. Neðri hæð hússins verður að stærstum hluta niðurgrafin. Gert er ráð fyrir að húsið verði byggt úr steinsteypu og stáli, einangrað að utan og klætt málmklæðningu.
Helstu verkþættir eru:
Verkfræðihönnun húss
Jarðvinna
Uppsteypa og stálburðarvirki
Frágangur utanhúss
Frágangur innanhúss, þ.m.t íþróttagólfs og uppsetning á föstum búnaði
Uppsetning og fullnaðarfrágangur allra lagna- og rafkerfa
Forvalsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 14:00 þann 20. janúar 2020.
Nýskráning fyrirtækja hefst með því að smella á „Nýskráning“ eða „Register“.
Vakin er athygli á að senda verður fyrirspurnir í gegnum útboðsvef innkaupaskrifstofu Fyrirspurnum sem berast með öðrum hætti verður ekki svarað.
Umsóknum skal skila með rafrænum hætti á framangreindan útboðsvef innkaupaskrifstofu Reykjavíkurborgar eigi síðar en: Kl. 10:00 þann 18. febrúar 2020.
Ekki verður haldinn formlegur fundur nema að þátttakendur óski sérstaklega eftir því. Beiðni verður að hafa borist innkaupaskrifstofu 2 virkum dögum fyrir skil umsókna á netfangið utbod@reykjavik.is
