Vegagerðin óskar eftir tilboði í leigu á tveggja hæða 192 fm. íbúðarhúsnæði á Stórhöfða ásamt bílskúr. Húsnæðið var áður vitavarðahús.
Leigutími er valkvæður og að hámarki 10 ár með möguleika á framlengingu. Vitahúsið sem er áfast íbúðarhúsi ásamt vélarhúsi og geymslum á lóð eru undanskilin leigunni. Útboðsgögn verða afhent rafrænt frá og með föstudeginum 26. júní 2015. Senda þarf beiðni á tölvupóstfangið vegagerdin@vegagerdin.is með nafni, kennitölu, heimilisfangi og síma bjóðanda.
Skila skal tilboðum í móttöku Vegagerðarinnar, Borgartúni 7 í Reykjavík fyrir kl. 14:00 þriðjudaginn 14. júlí 2015 og verða þau opnuð þar kl. 14:15.
Heimild: Vegagerðin
