Munnlegur málflutningur í málaferlum ÍAV og ítalska fyrirtækisins Tenova gegn Arion banka vegna byggingar kísilmálmverksmiðju United Silicon í Helguvík fer fram fyrir Héraðsdómi Reykjaness á morgun, 13. febrúar.
Fyrirtækin freista þess fá kröfur sínar vegna byggingar kísilmálmverksmiðjunnar upp á annan milljarð króna greiddar.
Málið snýst um að fyrirtækin telja Arion banka ekki hafa átt veðkröfu á þrotabú United Silicon.
Veðkrafan hafði í för með sér að Arion banki var fremst í kröfuhafaröðinni og tók yfir allar helstu eignir þrotabús United Silicon eftir að félagið var lýst gjaldþrota.
Fulltrúar fyrirtækjanna telja litlar líkur á að eitthvað fáist upp í kröfur þeirra nema dómur falli fyrirtækjunum í vil.
Fram kemur í skráningarlýsingu Arion banka að falli málið bankanum í óhag hyggst bankinn endurgreiða þrotabúinu.
Heimild: Sudurnes.net
