Home Fréttir Í fréttum Framkvæmdir hafnar í Auðbrekku í Kópavogi

Framkvæmdir hafnar í Auðbrekku í Kópavogi

300
0

Framkvæmdir eru hafnar í Auðbrekku í Kópavogi þar sem mikil endurbygging er áformuð. Nú má sjá stærðarinnar holu á bak við Bónus á Nýbýlavegi þar sem kranar og jarðvinnutæki hafa komið sér fyrir.

Um er að ræða svæðið sem af­mark­ast af Hamra­borg í suðri og Ný­býla­vegi í norðri. Þar er fyrir ým­iss kon­ar at­vinnu­rekst­ur, svo sem veit­ingastaðir, bif­reiðaverk­stæði og versl­an­ir.

Verkefnið hefur tafist þó nokkuð. Fram kom í Morg­un­blaðinu í byrj­un októ­ber 2015 að upp­bygg­ing nýs íbúðar­hverf­is í Auðbrekku myndi lík­lega hefjast vorið 2016 en þar áður voru væntingar um haustið 2014.

Miðað hefur verið við að um 400 íbúðir verði í Auðbrekku fullbyggðri, þar af um 160 í neðri hlutanum sem tilheyra fyrstu áföngum verkefnisins. Þá verða einnig reist húsnæði fyrir atvinnurekstur.

Mynd: mbl.is/Hanna
Ásýnd Auðbrekkunnar mun breytast mikið eftir framkvæmdirnar.

Mynd: ASK arkitektar
Heimild: Mbl.is

 

Previous articleOpnun verðfyrirsp: Bláar tunnur og grá ker undir úrgang
Next articleSegir brýnt að bæta veginn um Kjalarnes