27.11.2017 Forval: Úlfarsárdalur – Stækkun hverfis. Gatnagerð og lagnir. Hönnun.

F.h. Umhverfis- og skipulagssviðs Reykjavíkurborgar er óskað eftir tilboðum í verkið:

<>

 Úlfarsárdalur – Stækkun hverfis. Gatnagerð og lagnir – Hönnun. Forval nr. 14092. 

Forvalsgögn verða eingöngu aðgengileg á útboðsvef Reykjavíkurborgar eftir kl. 11:00 þriðjudaginn 7. nóvember 2017 á vefslóðinni: http://utbod.reykjavik.is 

Nýskráning fyrirtækja hefst með því að smella „Register“ og fylgja leiðbeiningum á skjá.

Vakin er athygi á að senda verður fyrirspurnir í gegnum útboðsvef innkaupadeildar.   Fyrirspurnum sem berast með öðrum hætti verður ekki svarað.

Umsóknum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en:  Kl. 14:00 mánudaginn 20. nóvember  2017. 

Umfang verks:   Verkefnið felst í verkhönnun og gerð útboðsgagna vegna gatnagerðar og lagna, gerð hæðarblaða, gerð grunna fyrir mæliblöð, hönnun á blágrænum ofanvatnslausnum, hönnun Leirtjarnar o.fl. fyrir Úlfarsárdal-Stækkun hverfis, í samræmi við deiliskipulag Úlfarsárdals, þar sem svæðið er skilgreint sem byggð íbúðahúsnæðis. Svæðið sem um ræðir er norðan Skyggnibrautar ásamt breytingum á núverandi Skyggnibraut meðfram nýrri íbúabyggð. Heildarlengd gatna á svæðinu er um 1.500 m. Heildarlengd útivistarstíga er um 650 m. Torgsvæði eru um 1.400 m2.  Yfirborðsfrágangur torgsvæða verður undanskilinn í útboði verkhönnunar.

Nánar tiltekið felst verkefnið í neðangreindu:

• Hönnun á götum norðan Skyggnibrautar þ.m.t. á gangstéttum, bílastæðum, upphækkuðum gönguleiðum og ýmsum götugögnum.
• Hönnun á breytingum Skyggnibrautar sunnan svæðis þ.m.t. á gangstéttum, hjólareinum, strætóbiðstöðvum, upphækkuðum gönguleiðum og ýmsum götugögnum.
• Hönnun á opnum svæðum (torgsvæðum), að undanskildum yfirborðsfrágangi.
• Hönnun á útivistarstíg við svæðið.
• Gróf kótasetning opinna svæða vestan/norðan/austan íbúabyggðar.
• Landmælingar svæðis og úrvinnsla.
• Hönnun bílastæðis sem tengist Skyggnibraut austan við nýja byggð.
• Hönnun á blágrænum ofanvatnslausnum í götum og opnum svæðum neðan byggðar í samvinnu við landslagshönnuði sem verkkaupi leggur fram.
• Hönnun á fráveitu, rafveitu, vatnsveitu og hitaveitu.
• Hönnun Leirtjarnar í samvinnu við landslagshönnuði sem verkkaupi leggur fram.
• Hönnun á gatna- og stígalýsingu.
• Skiltun og yfirborðsmerkingar.
• Vinnustaðamerkingar og aðkoma á verktíma þ.m.t. bráðabirgðaakstursleiðir.
• Gerð hæðarblaða fyrir lóðir.
• Gerð grunna fyrir mæliblöð.
• Gerð útboðsgagna.

Hönnun á rafveitu, vatnsveitu og hitaveitu verður í samráði við Veitur ohf. Hönnun á lögnum Mílu verður í höndum Mílu ehf. Hönnun á lögnum Gagnaveitu Reykjavíkur verður í höndum Gagnaveitu Reykjavíkur.

Aðalhönnuður er samræmingaraðili gagnvart veitum, gerir uppdrætti af sameiginlegum skurðsniðum og ákveður kostnaðarskiptingu í viðkomandi sniðum og fellir inn í útboðs- og verklýsingu og tilboðsskrá gögn frá viðkomandi veitum.

Aðalhönnuður annast gerð heildarkostnaðaráætlana og fellir inn í heildarkostnaðar­áætlanir kostnaðaráætlanir frá veitum.

Til nánari glöggvunar á umfangi og eðli verksins er vísað á skipulagssjá Reykjavíkur­borgar þar sem deiliskipulagið er kynnt:  http://reykjavik.is/skipulag-i-kynningu/ulfarsardalur

• Breytingar í hverfi – fyrir og eftir
• Greinargerðin
• Deiliskipulagsuppdráttur
• Skýringaruppdráttur 1
• Skýringaruppdráttur 2
• Skýringaruppdráttur 3

Unnið hefur verið að minniháttar breytingum á deiliskipulaginu í kjölfar kynningarferils og hefur endanlegt skipulag ekki verið staðfest.

Tímaáætlun: