Sæbrautarstokkur – yfir 100 manns mættu á kynningarfund um framkvæmdina
Sæbrautarstokkur var til umræðu á opnum kynningarfundi sem Reykjavíkurborg, Vegagerðin og Betri samgöngur stóðu fyrir í Vogaskóla þann 1. júní. Á annað hundrað manns mættu á fundinn þar sem kynnt voru helstu atriði framkvæmdarinnar, umhverfismat og skipulagstillögur fyrir Vogahverfi og Vogabyggð.
Þorsteinn R. Hermannsson, framkvæmdastjóri Betri samgangna, stýrði fundinum og fór yfir helstu atriði Samgöngusáttmálans.
m
Framkvæmd og umhverfismat kynnt
Á fundinum kynnti Kristján Árni Kristjánsson, verkfræðingur hjá Vegagerðinni, framkvæmd Sæbrautarstokks og helstu verkþætti verkefnisins.
Þórhildur Guðmundsdóttir, verkfræðingur hjá Verkís, kynnti umhverfismat framkvæmdarinnar og áhrif hennar á nærliggjandi svæði.
Upptöku af fundinum er að finna hér:
Einnig voru kynntar nýjar skipulagstillögur fyrir Vogahverfi og Vogabyggð af þeim Birni Guðbrandssyni arkitekt hjá Arkís og Sigríði Magnúsdóttur arkitekt hjá Teiknistofunni Tröð.
Grænn garður yfir stokknum
Sæbrautarstokkur er eitt stærsta samgönguverkefni Samgöngusáttmálans á höfuðborgarsvæðinu.
Stokkurinn verður um einn kílómetri að lengd og mun liggja frá mislægum gatnamótum við Miklubraut og norður fyrir gatnamót Kleppsmýrarvegar og Skeiðarvogs.
Á yfirborði stokksins verður nýr grænn hverfisgarður sem mun tengja betur saman Vogahverfi og Vogabyggð.
Bætt umferðarflæði og tenging við Borgarlínu
Markmið verkefnisins er að:
- Bæta umhverfisgæði á svæðinu
- Tengja betur saman hverfi sitt hvoru megin Sæbrautar
- Auka umferðarflæði á einni fjölförnustu samgönguæð landsins
- Styðja við uppbyggingu Borgarlínu
- Bæta aðkomu að Sundahöfn og vöruflutningum
- Styðja við framtíðaruppbyggingu Sundabrautar
Sæbrautarstokkur er því lykilverkefni í framtíðarskipulagi samgangna á höfuðborgarsvæðinu.
Opið fyrir athugasemdir
Kynningargögn og skipulagstillögur eru aðgengilegar í Skipulagsgáttinni.
Athugasemdafrestur vegna skipulagstillagnanna stendur til 24. júní 2026 en umhverfismatsskýrslan verður til kynningar til 29. júní 2026.
Heimild: Vegagerðin.is
