Skagastrandarhöfn óskar eftir tilboðum í verkið „Skagaströnd – Ásgarður og Miðgarður, rafbúnaður“.
Helstu verkþættir eru:
- Ídráttur strengja og tenging rafbúnaðar.
- Uppsetning og tenging rafbúnaðar í tenglaskápum.
- Uppsetning og tenging aðaltöflu í rafbúnaðarhúsi.
- Uppsetning og tenging masturs- og stigaljósa.
- Smíði og uppsetning á töflum.
- Rafbúnaður í töflur/tenglaskápa.
- Tenging og uppsetning ljósa í ljósamöstur.
- Tenging og uppsetning stigaljósa.
- Lagningu raflagna í masturshús.
Verkinu skal lokið eigi síðar en 1. apríl 2026.
Útboðsgögn eru afhent rafrænt í TendSign útboðskerfinu. Afhending gagnanna er án endurgjalds, frá og með mánudeginum 17. nóvember 2025.
Tilboði skal skila rafrænt í TendSign útboðskerfinu fyrir kl. 14:00 þriðjudaginn 2. desember 2025.
Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda í útboðinu, heildartilboðsupphæð og hvort tilboð sé sett fram sem frávikstilboð.
