Framkvæmdir við landfyllingu við Suðurvararbryggju í Þorlákshöfn hafa verið stöðvaðar tímabundið, meðan úrskurðarnefnd umhverfis- og auðlindamála tekur fyrir kæru sem barst frá Brimbrettafélagi Íslands.
Samtökin telja að framkvæmdirnar muni valda óafturkræfum skaða á aðalbrotið, eina bestu brimbrettaöldu Evrópu. Þau segja ákvörðun Skipulagsstofnunar um að framkvæmdin þurfi ekki að fara í umhverfismat vera háða annmörkum.
Úrskurðarnefndin á eftir að fara yfir kæruna. Vinna við landfyllinguna á aðeins að taka nokkra mánuði og því ákvað nefndin að stöðva framkvæmdaleyfið tímabundið til þess að nefndin geti komist að niðurstöðu áður en verkinu lýkur.
Heimild: Ruv.is
