„Á Suðurlandi þar sem tíðarfarið hefur verið mjög óhagstætt hefur þetta bara gengið furðu vel. Við erum með ansi marga malbikskafla hérna á Suðurlandi og það er ekki alveg eins viðkvæmt fyrir rigningu eins og klæðingar sem eru ríkjandi úti á landi. Hins vegar viljum við fá betri tíð til að ljúka þeim verkefnum sem eru á áætlun. Við erum að bíða eftir lengri þurrum köflum til að geta ráðist í stærri og lengri vegarkafla. En ég er þokkalega ánægður með framvindu mála í ljósi þess hvað það er búið að rigna mikið. Mér sýnist að við séum nokkurn veginn hálfnuð með þau verkefni sem við ætluðum að ráðast í,“ segir Óskar.
Ártúnsbrekkan er einn af þeim vegarköflum sem ekki er unnt að malbika fyrr en það styttir upp í tvo til þrjá daga samfellt. „En það eru ýmiss ráð til þess að bregðast við þessu. Við erum með eitt gengi á nóttunni og tvö á daginn. En fyrir lengri kafla þurfum við 2-3 daga. En við gætum sett fleiri næturvaktir ef við fá tvo daga frekar en þrjá. Ef við fáum ekki þurrk eftir 2-3 vikur þá lendum við í vandræðum með þessa kafla,“ segir Óskar.
Veður hefur verið hagstætt vegagerð á Norður- og Austurlandi. „Við erum með mjög metnaðarfulla áætlun í ár þar sem við fengum aukafjárveitingu frá ríkisstjórn. Það má segja að það séu ansi mörg verkefni hjá okkur. Við erum að halda áætlun alls staðar annars staðar en á Suðvesturhorni landsins,“ segir Óskar.
Heimild: Ruv.is
