Reykjavíkurborg býður út trjáfellingar og hirðingu grænna svæða
Reykjavíkurborg hefur auglýst EES-útboð vegna þjónustu við trjáfellingar í borgarlandinu, útboð nr. 16319. Um er að ræða rammasamning sem tekur til hirðingar skóglenda og grænna svæða víðs vegar um borgina.
Útboðið er unnið fyrir hönd Umhverfis- og skipulagssviðs Reykjavíkurborgar og felur í sér kaup á sérhæfðri þjónustu við umhirðu trjáa, skóga og annarra gróinna svæða.
Umfangsmikil þjónusta á grænum svæðum borgarinnar
Verkið tekur meðal annars til eftirfarandi verkþátta:
- Grisjunar skóga og gróðursvæða
- Útdráttar trjáa og timburs
- Kurlunar á trjáefni
- Trjáklifurs og sérhæfðra fellinga
- Kjarrsögunar
- Klippinga og grisjunar trjáa
- Stubbatætingar
- Botnkurlunar og landmótunar
Markmið verkefnisins er að tryggja faglega umhirðu skóga og grænna svæða í Reykjavík ásamt því að stuðla að öryggi, aðgengi og heilbrigðu borgarumhverfi.
Rammasamningur til fjögurra ára
Rammasamningurinn verður í upphafi gerður til eins árs, en Reykjavíkurborg mun hafa heimild til að framlengja hann þrisvar sinnum um eitt ár í senn.
Hámarksgildistími samningsins getur því orðið allt að fjögur ár.
Rafrænt útboðsferli
Útboðsgögn verða eingöngu aðgengileg á útboðsvef Reykjavíkurborgar frá 24. júní 2026. Fyrirspurnum verður eingöngu svarað í gegnum útboðsvefinn og tilboðum skal skila með rafrænum hætti.
Ekki verður haldinn formlegur opnunarfundur en niðurstöður útboðsins verða birtar á opnunarvef Reykjavíkurborgar.
Helstu upplýsingar
- Verk: Þjónusta við trjáfellingar í borgarlandinu
- Útboðsnúmer: 16319
- Útboðsaðili: Reykjavíkurborg
- Tegund: Þjónusta
- Útboðsgögn afhent: 24. júní 2026 kl. 10:00
- Skilafrestur: 20. ágúst 2026 kl. 10:15
- Opnun tilboða: 20. ágúst 2026 kl. 10:15
- Samningstími: Eitt ár með mögulegri framlengingu í allt að fjögur ár
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 10:00: þann 24. júní 2026.
Heimild: Reykjavik.is
Efni: Reykjavíkurborg býður út trjáfellingar og hirðingu grænna svæða
