Ísafjarðarbær býður út fráveituframkvæmdir á Þingeyri
Ísafjarðarbær hefur auglýst útboð vegna framkvæmda við nýjar fráveitulagnir á Þingeyri. Verkið felur í sér lagningu fráveitukerfis fyrir yfirborðsvatn og skolp auk tenginga við núverandi lagnakerfi.
Um er að ræða mikilvæga innviðaframkvæmd sem miðar að því að bæta fráveitukerfi á Þingeyri og tryggja öruggari meðhöndlun yfirborðsvatns og skólps á svæðinu.
Verkið felst meðal annars í að grafa fyrir fráveitulögnum, leggja nýjar lagnir og tengja þær við núverandi kerfi. Þá verður steypt sérstök inntaksþró fyrir ofanvatn samkvæmt útboðsgögnum.
Helstu magntölur verksins
- Gröftur í götustæði: 840 m³
- Holræsalagnir: 340 m
- Vatnslagnir: 150 m
- Styrktarlag: 200 m³
- Burðarlag: 100 m³
Samkvæmt útboðslýsingu skal framkvæmdinni að fullu lokið 30. ágúst 2026. Sá hluti verksins sem felur í sér malbikun þarf þó að vera lokið eigi síðar en 7. júlí 2026.
Útboðsgögn verða afhent með tölvupósti frá og með 12. júní 2026 til þeirra sem óska eftir þeim.
Tilboð verða opnuð í fundarsal Ísafjarðarbæjar í Stjórnsýsluhúsinu, 2. hæð, föstudaginn 19. júní 2026 klukkan 11:00, að viðstöddum þeim bjóðendum sem þess óska.
Nánari upplýsingar og útboðsgögn fást með því að senda beiðni á netfangið aj@verkis.is.
Heimild: Isafjordur.is
„Leitar þú að verktaka? Skoðaðu fyrirtækjaskrá VERKTAKAR.IS”
