Þetta kemur fram í Morgunblaðinu í morgun. Óskar Þorsteinsson, byggingaverkfræðingur hjá verkfræðistofunni Mannviti, segir klæðninguna hafa verið notaða hér á landi áður fyrr en hún sé ekki notuð lengur. Hann rekur ekki minni til þess að hún hafi verið notuð í háhýsum hér á landi.
Jón Viðar Matthíasson, slökkviliðsstjóri slökkviliðsins á höfuðborgarsvæðinu, segir slökkviliðið ekki hafa reglulegt eftirlit með íbúðarhúsnæði, aðeins atvinnuhúsnæði. Í frétt Morgunblaðsins segir Jón Viðar mestu máli skipta að sinna eldvörnum þegar hús eru byggð. Hann segist gruna að mistök hafi verið gerð milli þess sem Grenfell-turninn hafi verið teiknaður og byggur. Honum kæmi á óvart að sú klæðning sem notuð var hafi verið skilgreind á teikningunum.
Heimild: Mbl.is
