Félagsbústaðir hf óska eftir tilboðum í verkið: ÍBÚÐARSAMBÝLI KAMBAVAÐI 5 OG AUSTURBRÚN 6
Í framvæmdinni felst m.a. jarðvinna, reising tveggja einingarhúsa á einni hæð úr forsteyptum einingum ásamt fullnaðarfrágangi utan- og innanhúss, þar með taldar allar innréttingar.
Í hvoru húsi eru 6 íbúðir fyrir hreyfihamlaða ásamt stoðrýmum. Lóðarfrágangur, þar með talinn frágagnur á bílastæðum og stígum, er einnig hluti verksins.
Um er að ræða nýbyggingu á tveimur lóðum, annars vegar að Kambsvaði 5 sem er um 575 m2 og 2.155 m3(brúttó) og hins vegar Austurbrún 6 sem er um 590 m2 og 2.220 m3 (brúttó).
Fyrirhuguð bygging á lóðinni Kambvað 5 er á reitnum á milli Kambvaðs 1-3, Hestvaðs 1-7 og Kólguvaðs 1-13. Á lóðinni Austurbrún 6 er háhýsi og mun sambýlið verða á sömu lóð staðsett sunnan og vestan við núverandi byggingu.
Útboðsgögn verða afhent frá og með kl. 14:00 þann 8 nóvember 2016. Áhugasamir geta nálgast gögn með því að senda tölvupóst á póstfangið utbod@felagsbustadir.is eða komið á afgreiðslu Félagsbústaða að Hallveigarstíg 1. Koma þarf fram í póstinum kennitala og nafn fyrirtækis, aðsetur og símanúmer. Einnig þurfa að koma fram upplýsingar um tengilið fyrirtækisins, símanúmer hans og tölvupóstfang.
Tilboðum ásmat umbeðnum upplýsingum skal skila í afgreiðslu Félagsbústaða hf. Hallveigarstíg 1, 3. hæð, 101 Reykjavík í síðasta lagi 28.11. 2016, fyrir kl. 14:00 og verða þau þá opnuð að viðstöddum þeim bjóðendum sem þess óska.
