Síldarvinnslan stækkar skrifstofuhús sitt í Neskaupstað
Síldarvinnslan hf. stendur nú að umfangsmikilli stækkun skrifstofuhúsnæðis síns við Hafnarbraut 6 í Neskaupstað. Með framkvæmdunum verður reist ný hæð ofan á núverandi hús auk þess sem byggt verður sérstakt lyftuhús og tæknirými vestan við bygginguna.
Skrifstofur Síldarvinnslunnar hafa verið á efri hæð hússins frá árinu 1990, en áður var starfsemin til húsa í Steininum við Egilsbraut 8 frá árinu 1968. Á neðri hæð hússins eru skrifstofur Samvinnufélags útgerðarmanna og Súnbúðin.
Starfsfólk flutti tímabundið úr húsinu
Framkvæmdir hófust í maímánuði og í lok sama mánaðar flutti starfsfólk fyrirtækisins tímabundið úr húsnæðinu. Á meðan framkvæmdum stendur hefur starfsfólki verið komið fyrir í fiskiðjuveri Síldarvinnslunnar og í skrifstofuklasanum Múlanum í Neskaupstað.
Krosslímt timbur frá Austurríki
Nýja hæðin verður alls um 385 fermetrar að stærð og verður byggð úr krosslímdum timbureiningum (CLT) sem framleiddar eru í Austurríki fyrir Element ehf. í Reykjavík.
Notkun krosslímds timburs hefur aukist á undanförnum árum í íslenskum mannvirkjum þar sem efnið býður upp á létta byggingu, hraða uppsetningu og góða umhverfiseiginleika.
Fjöldi verktaka kemur að verkinu
Nestak ehf. er aðalverktaki framkvæmdarinnar en auk þess koma fjölmargir verktakar að verkefninu:
- Fjarðalagnir ehf.
- G. Skúlason ehf.
- Launafl ehf.
- VÁP ehf.
- Haki ehf.
- TryggerX ehf.
- Laugardalshólar ehf.
- Litasýn ehf.
Guðmundur Helgi Sigfússon tæknifræðingur hefur umsjón með framkvæmdinni og Björgvin Már Eyþórsson hjá Nestaki gegnir hlutverki byggingarstjóra.
Verklok áætluð næsta vor
Gert er ráð fyrir að framkvæmdum ljúki í maímánuði á næsta ári. Að þeim loknum mun Síldarvinnslan fá aukið og nútímalegt skrifstofuhúsnæði sem styrkir starfsemi félagsins í Neskaupstað og bætir vinnuaðstöðu starfsfólks.
Heimild: SVN.is
Efni: Síldarvinnslan stækkar skrifstofuhús sitt í Neskaupstað
