Veitur bjóða út rammasamning um hreinsun og ástandsgreiningu fráveitulagna
Veitur ohf. hafa auglýst útboð vegna rammasamningsins „Hreinsun, myndanir og greining fráveitulagna“. Um er að ræða umfangsmikla þjónustu sem snýr að rekstri, eftirliti og viðhaldi fráveitukerfa á starfssvæði Veitna.
Þjónustan tekur til verkefna í fráveitukerfum kaupanda, bæði vegna regnvatns- og skólplagna, og felur í sér fjölbreytta verkþætti sem snúa að hreinsun, myndatöku, ástandsgreiningu og rekstri hreinsi- og dælustöðva.
Með rammasamningnum hyggjast Veitur tryggja skilvirka þjónustu, aukið eftirlit með ástandi fráveitukerfa og betri rekjanleika í framkvæmd verkefna.
Umfang þjónustunnar
Samningurinn nær meðal annars til eftirfarandi verkþátta:
- Hreinsun fráveitulagna og brunna
- Myndatöku og skoðunar fráveitulagna og brunna
- Ástandsgreiningar lagna og mannvirkja
- Hreinsunar í hreinsistöðvum
- Hreinsunar í dælustöðvum og dælubrunnum
- Hreinsunar settjarna
- Þrifa í dælu- og hreinsistöðvum
- Losunar á seyru
- Vinnu dælu- og hreinsibíla
- Hreinsunar götuniðurfalla
- Endurnýjunar eða hreinsunar niðurfallsrista
Kröfur til verktaka
Samningsaðili mun jafnframt bera ábyrgð á:
- Undirbúningi verkefna og yfirferð gagna
- Verkstjórn og innri verkefnastjórnun
- Innra gæðaeftirliti
- Öryggisráðstöfunum á vinnusvæðum
- Rekstri upplýsingakerfa sem tryggja rekjanleika allrar vinnu
Ekki hluti rammasamningsins
Eftirfarandi verkþættir falla utan samningsins:
- Viðhald búnaðar í dælu- og hreinsistöðvum
- Uppsetning nýs búnaðar í dælu- og hreinsistöðvum
- Lagnavinna
Helstu upplýsingar
- Verk: Hreinsun, myndanir og greining fráveitulagna
- Útboðsnúmer: VEU-2604-0038
- Útboðsaðili: Veitur
- Tegund: Framkvæmd og þjónusta
- Útboðsgögn afhent: 23. júní 2026 kl. 16:00
- Skilafrestur tilboða: 3. september 2026 kl. 14:00
- Opnun tilboða: 3. september 2026 kl. 14:00
Efni: Veitur bjóða út rammasamning um hreinsun og ástandsgreiningu fráveitulagna
