Lagnaframkvæmdir við Lónsbraut og Hvaleyrarbraut boðnar út í Hafnarfirði
Hafnarfjarðarbær, HS Veitur, Veitur, Ljósleiðarinn og Míla hafa auglýst útboð vegna umfangsmikilla lagnaframkvæmda við Lónsbraut og Hvaleyrarbraut í Hafnarfirði.
Um er að ræða sameiginlegt verkefni sveitarfélagsins og veitu- og fjarskiptafyrirtækja sem styður við áframhaldandi uppbyggingu á svæðinu.
Verkið felst annars vegar í tengingu bátaskýla við fráveitukerfi Hafnarfjarðar og hins vegar í uppbyggingu innviða vegna nýrra þéttingarreita við Hvaleyrarbraut og Lónsbraut.
Framkvæmdirnar ná til lagningar fjölbreyttra veitukerfa, þar á meðal:
- Fráveitulagna
- Neysluvatnslagna
- Hitaveitulagna
- Rafveitulagna
- Fjarskiptalagna
Verkkaupar verkefnisins eru Hafnarfjarðarbær, HS Veitur, Veitur, Ljósleiðarinn og Míla, sem standa sameiginlega að uppbyggingu innviða á svæðinu.
Framkvæmdirnar eru mikilvægur þáttur í áframhaldandi þróun hafnarsvæðisins og uppbyggingu nýrra byggingarreita við Hvaleyrarbraut og Lónsbraut.
Útboðsgögn eru aðgengileg rafrænt án endurgjalds í útboðskerfi NTI Bidco frá 23. júní 2026.
Heimild: Hafnarfjarðarbær
