Rarik býður út nýja dælustöð og lokahús hitaveitu í Dalabyggð
Rarik ohf. hefur auglýst útboð vegna byggingar nýrrar dælustöðvar og lokahúss hitaveitu í Dalabyggð. Um er að ræða útboðsverk nr. 26021 – Dælustöð og lokahús hitaveitu í Dalabyggð, þar sem reisa á tvö ný hitaveitumannvirki fyrir starfsemi fyrirtækisins á svæðinu.
Tilboðum skal skilað fyrir 19. júní 2026 og verða þau opnuð sama dag.
Tvö ný hitaveitumannvirki rísa í Dalabyggð
Verkið felur annars vegar í sér byggingu lokahúss við Ásuhvamm í Búðardal og hins vegar nýrrar dælustöðvar í landi Lands og skógar við Laxaborg í Dalabyggð.
Mannvirkin verða einangraðar byggingar sem hýsa hitaveitubúnað.
Helstu stærðir eru:
- Lokahús við Ásuhvamm: 13,8 m²
- Dælustöð við Laxaborg: 44,5 m²
- Mesta hæð lokahúss: 4,2 m
- Mesta hæð dælustöðvar: 3,3 m
Umfangsmikil byggingar- og lagnavinna
Verkið nær til fjölmargra verkþátta, þar á meðal:
- Jarðvinnu og aðstöðusköpunar
- Uppsteypu og burðarvirkja
- Smíði og uppsetningar stálvirkja
- Timburgrinda og sperra
- Raflagna og lágspennukerfa
- Lýsingar og ljósastýringa
- Frárennslislagna
- Loftræsikerfa
- Innanhúss- og utanhússfrágangs
- Klæðninga, málunar og gólfmeðferðar
- Þakfrágangs og blikksmíði
Samkvæmt útboðsgögnum skal verktaki fullgera mannvirkin ásamt öllum tæknikerfum og frágangi.
Rafræn skil tilboða
Rarik hvetur bjóðendur til að kynna sér aðstæður á framkvæmdasvæðunum og fara vel yfir teikningar og útboðsgögn.
Tilboðum skal skilað með rafrænum hætti í gegnum útboðsvef Rarik og verða allar fyrirspurnir afgreiddar í gegnum sama kerfi.
Útboðsgögn eru aðgengileg án endurgjalds fyrir skráða notendur útboðsvefsins.
| Opnun tilboða er þann: | 19.06.2026 kl. 11:00 |
Útboð : Rarik býður út nýja dælustöð og lokahús hitaveitu í Dalabyggð
