RARIK hefur boðið út framkvæmdir vegna strenglagningar á Jökuldal á Austurlandi undir heitinu „Strenglögn – Jökuldalur 2“.
Verkið felur í sér plægingu strengleiðar ásamt uppsetningu jarðspennistöðva og strengskápa frá Gauksstöðum, gegnt Skjöldólfsstöðum, að Grund á Jökuldal.
Framkvæmdir hefjast sumarið 2026
Samkvæmt útboðsgögnum á framkvæmdin að fara fram á tímabilinu frá 23. júní til 30. september 2026.
Tilboðum skal skila rafrænt inn á útboðsvef RARIK og verða allar fyrirspurnir og svör meðhöndluð í útboðskerfinu.
Skilafrestur í byrjun júní
Útboðsgögn voru gerð aðgengileg 8. maí 2026 og er skilafrestur tilboða til 8. júní 2026 klukkan 15:30.
Nánari upplýsingar og útboðsgögn má finna á útboðsvef RARIK.
Heimild: RARIK
