Fyrsta skóflustungan tekin að þjónustuhúsi Landsvirkjunar á Hellu
Í gær var tekin fyrsta skóflustungan að nýju þjónustuhúsi Landsvirkjunar á Hella.
Í húsinu verður aðstaða fyrir starfsfólk Enercon, framleiðanda vindmyllanna í Vaðölduveri, auk þess sem þar verður starfsstöð Landsvirkjunar, verkstæði og varahlutageymsla fyrir vindmyllurnar.
500 milljóna framkvæmd
Þjónustuhúsið mun rísa á lóð Landsvirkjunar við Faxaflatir 2. Verktakafyrirtækið Alefli bauð lægst í framkvæmdina en heildarkostnaður verkefnisins er áætlaður um 500 milljónir króna.
Gert er ráð fyrir að húsið verði tilbúið haustið 2027 þegar Vaðölduver verður komið í fullan rekstur.
Vindmyllur og atvinnuuppbygging
Eggert Valur Guðmundsson sagði verkefnið mikilvægt fyrir atvinnuuppbyggingu í sveitarfélaginu bæði á framkvæmdatíma og eftir að starfsemi hefst.
„Þetta verkefni er mikilvægt fyrir atvinnuuppbyggingu í sveitarfélaginu bæði eftir að byggingaframkvædum lýkur, og einnig mun þessi framkvæmd hafa jákvæð samfélagsleg áhrif á byggingatímanum hjá þjónustuaðilum og iðnaðar og verkamönnum,“ sagði Eggert Valur í samtali við Sunnlenska.is.
Viðhald vindmyllanna næstu 15 árin
Vindmylluframleiðandinn Enercon hefur þegar ráðið íslenskt starfsfólk sem hefur fengið sérhæfða starfsþjálfun víða um Evrópu vegna viðhalds á þeim 28 vindmyllum sem verða í Vaðölduveri.
Samkvæmt samningi Landsvirkjunar og Enercon mun fyrirtækið sinna viðhaldi vindmyllanna fyrstu 15 ár rekstrar vindorkuversins.
Heimild: Sunnlenska.is
