Framkvæmdir við víkkun og dýpkun aðrennslisganga Sultartangastöðvar hófust nýlega á vegum Landsvirkjunar.
Meðan á framkvæmdum stendur verður stöðin tekin úr rekstri en gert er ráð fyrir að verkið taki um hálft ár og stöðin komist því aftur í rekstur í byrjun október.
Landsvirkjun hefur undanfarin misseri unnið að verkefnum sem auka afkastagetu virkjana fyrirtækisins.
Unnið hefur verið að undirbúningi framkvæmdanna við Sultartangastöð undanfarna mánuði. Þrjú tilboð bárust í verkið og voru þau opnuð í byrjun mars.
Fyrirtækið Leonhard Nilsen & Sønner AS bauðst til að vinna verkið fyrir krónur 1.664.742.235. Suðurverk hf. og Fossvélar ehf. buðu kr. 2.065.062.412 og Ístak hf. kr. 2.132.888.796.
Heimild: Mbl.is
