Flugbjörgunarsveitin í Reykjavík þarf að sætta sig við bragga sem stendur á lóð sveitarinnar við Flugvallarveg 7a í Reykjavík en skipulagsfulltrúi Reykjavíkurborgar hefur hafnað beiðni sveitarinnar þess efnis að bragginn verði rifinn eða færður í braggaþyrpingu á horni Flugvallarvegar og Bústaðavegar.
Sveitin vill fá leyfi til að stækka vélageymslu á svæði sínu en til þess er nauðsynlegt að bragginn víki.
í Reykjavík þarf að sætta sig við bragga sem stendur á lóð sveitarinnar við Flugvallarveg 7a í Reykjavík en skipulagsfulltrúi Reykjavíkurborgar hefur hafnað beiðni sveitarinnar þess efnis að bragginn verði rifinn eða færður í braggaþyrpingu á horni Flugvallarvegar og Bústaðavegar.
Sveitin vill fá leyfi til að stækka vélageymslu á svæði sínu en til þess er nauðsynlegt að bragginn víki.
Heiða Jónsdóttir, formaður Flugbjörgunarsveitar Reykjavíkur, segist vera orðin þreytt á samskiptum við Reykjavíkurborg en svör frá borginni hafa að hennar sögn verið misvísandi og oft og tíðum engin. Þess má geta að skipulagsfulltrúi Reykjavíkurborgar stakk sjálfur upp á þeim möguleika í samskiptum sínum við sveitina að færa braggann í braggaþyrpinguna á horni Flugvallarvegar og Bústaðavegar, en því hefur skipulagsfulltrúi nú hafnað.
Bragginn er úr sér genginn og nýtist lítið sem ekkert í starfsemi Flugbjörgunarsveitarinnar.
Heiða bendir á að Reykjavíkurborg hafi síðastliðin ár fallist á niðurrif á öðrum bröggum í borginni og þykir henni borgin því ekki hafa gætt jafnræðis í þessu tilfelli.
Heimild: Mbl.is
