20.01.2026 Nýr Landspítali við Hringbraut. Rannsóknahús – Þakfrágangur

Nýr Landspítali ohf. óskar eftir tilboðum verktaka í útboðsverkið: Rannsóknahús – Þakfrágangur

Nýr Landspítali ohf. (NLSH) óskar eftir tilboði í þessu almenna útboði fyrir útboðsverkið: Nýr Landspítali við Hringbraut. Rannsóknahús – Þakfrágangur

Verkefni þetta nær til fullnaðarfrágangs á ytra byrði rannsóknahúss (RSH). Útveggjakerfi og glerþök yfir inngörðum eru ekki hluti þessa útboðs.

Þeir verkþættir sem taldir eru upp í yfirliti yfir verkefnið eru stærstu verkþættir verkefnisins en ekki tæmandi upptalning. Bjóðandi skal yfirfara teikningar, verklýsingar og tilboðsskrá.

Helstu verkþættir verkefnisins eru:

Frágangur utanhúss:

• Múrverk
• Þakfrágangur, um 3.300m2
• Járn og blikksmíði

Lagnir og loftræsting:
• Þakniðurföll og allar regnvatnslagnir innanhúss
• Útloftun frárennslis á þökum
• Loftræsihattar og þakstólar

Raflagnir:

• Lágspennulagnir þ.e. eldingavarnarkerfi sem saman stendur af eldingaspjótum, lagnaleiðir, pípu- og strengjalagnir, ídráttur, tenging á vír. Um er að ræða spjót og lagnir á þaki ásamt niðurleiðurum í pípum (aðrir með pípuna) sem skulu leggjast niður veggi RSH en fyrir innan fyrirhugaða útveggjaklæðningu. Niðurleiðarar skulu tengjast við jarðskautskerfi sem er í jörð.

Bent er á að verkið er unnið í mikilli nálægð við sjúkrahús sem er í fullum rekstri allan verktímann, Læknagarð Háskóla Íslands og íbúðabyggð og skal verktaki taka fullt tillit til þess eins og víða er getið í verklýsingu.

Hér er um almennt útboð að ræða eins og því er lýst í 2. gr. laga um opinber innkaup nr. 120/2016 (OIL). Lög um opinber innkaup má nálgast á heimasíðu Alþingis á slóðinni: https://www.althingi.is/lagas/nuna/2016120.html

Tilboð skal gera samkvæmt útboðsgögnum þessum.
Sá fyrirvari er strax gerður í upphafi að verkið muni aðeins fara fram ef því verður tryggð fjármögnun í fjárlögum og að samningurinn hljóti samþykki stjórnar NLSH ohf.

Ef framangreindir fyrirvarar standast ekki getur verkkaupi hætt við útboðið og/eða verkið bótalaust. Bjóðandi samþykkir þessar forsendur með tilboði sínu í þessu útboði.

Um útboðið gildir ÍST 30:2012 Almennir útboðs- og samningsskilmálar um verkframkvæmdir.

Hægt er að nálgast útboðsgögn hér.