Vegagerðin áformar að leggja nýjan veg, Búðafossveg, á milli Þjórsárdalsvegar í Skeiða- og Gnúpverjahreppi og Landvegar í Rangárþingi ytra, ásamt gerð nýrrar brúar yfir Þjórsá.
Framkvæmdin verður mikil samgöngubót fyrir Sunnlendinga og styttir vegalengdir.
Búðafossvegur verður 7,4 kílómetrar að lengd. Nýja brúin yfir Þjórsá verður byggð á milli jarðanna Minna-Hofs og Vindáss. Brúin kemur til með að þvera ána á svokölluðu Hofsvaði, sem er um kílómetra ofan við Búðafoss. Hún verður 204 metrar að lengd.
Við vegagerðina verður m.a. notað efni sem grafið verður upp í frárennslisskurði fyrirhugaðrar Hvammsvirkjunar skammt frá.
Framkvæmdin er nú til kynningar í Skipulagsgáttinni. Vonast er til að verkið verði boðið út fyrri hluta árs 2026.
Heimild; Mbl.is
