Endurnýjum félagsheimilisins Fjarðarborgar á Borgarfirði eystra verður dýrari en lagt var upp með sem gæti leitt til þess að Borgfirðingar fái ekki nýja líkamsræktaraðstöðu í þorpinu í bráð.
Við framkvæmdir í Fjarðarborg á Borgarfirði eystra kom í ljós að lagnir og fleira í húsinu var verr farið en menn héldu.
Þórhallur Borgarsson, varaformaður umhverfis- og skipulagsnefndar Múlaþings, segir að á nefndarfundi í morgun hafi sú hugmynd verið rædd að klára endurnýjun hússins, þrátt fyrir aukinn kostnað, en fresta því að staðinn að byggja nýja líkamsræktaraðstöðu við sparkvöllinn í bænum. Möguleiki væri á að hafa líkamsræktina á efri hæð Fjarðarborgar til bráðabirgða. Var heimastjórn Borgarfjarðar beðin að taka atstöðu til slíkra hugmynda.
Á efri hæðinni er nú verið að taka í gagnið skrifstofu- og fjarvinnuaðstöðu og yrði líkamsræktin aðeins á hluta efri hæðarinnar.
Heimild: Ruv.is
