Hrunamannahreppur óskar eftir tilboðum í verkið:
Hrunamannavegur 3, heilsugæslustöð, frágangur og innréttingar.
Verklok eru: 31. júlí 2025.
Verkið felst í frágangi, smíði og uppsetningu innréttinga í óinnréttað húsnæði að Hrunamannavegi 3 á Flúðum, þar sem fyrirhugað er að hefja starfsemi heilsugæslustöðvar.
Um er að ræða lagningu allra lagna s.s. frárennslislagna, neysluvatnslagna, hitalagna, loftræsilagna og raflagna. Setja upp létta milliveggi, innihurðir, kerfisloft og gólfefni ásamt nýjum gluggum og útihurð.
Helstu magntölur eru:
Léttir veggir 350m2
Málum 1000m2
Gólfefni 370m2
Kerfisloft 370m2
Innihurðir 25 stk
Útboðsgögn verða afhent á rafrænu formi frá og með mánudeginum 11. nóvember 2024. Þeir sem hyggjast gera tilboð í verkið skulu hafaf samband við Guðmund Hjaltason hjá Eflu, Suðurlandi með tölvupósti á netfangið gudmundur.hjaltason@efla.is og gefa upp nafn, heimilisfang, síma og netfang og fá í kjölfarið útboðsgögnin send í tölvupósti.
Tilboðum skal skila á skrifstofu Hrunamannahrepps, Akurgerði 6, 845 Flúðum fyrir kl. 11:00 miðvikudaginn 11. desember 2024 en þá verða tilboð opnuð að viðstöddum þeim bjóðendum sem þess óska.
Sveitarstjórinn í Hrunamannahreppi
