09.07.2024 Áshamar – leikskóli, lóðarframkvæmd

Hafnarfjarðarbær sem verkkaupi, óskar eftir tilboðum í lóðarframkvæmd vegna nýbyggingar leikskóla við Áshamar 9 í Hafnarfirði.

<>

Um rafrænt útboð er að ræða og skal öllum tilboðum og fylgigögnum skilað í gegnum rafræna útboðskerfið á slóðinni:
https://vsb.ajoursystem.net/Tender/DirectLink/d7212f07-172d-47a7-8d97-39016b62e0b1

Spurningar og svör verða einnig meðhöndluð í hinu rafræna útboðskerfi. Sjá nánar í kafla 0.3.2 Skýringar á útboðsgögnum.

Leikskólinn Áshamar er um 1.200 m2, sex deilda og var boðinn út í alútboði, án lóðarframkvæmdar.  Samið var við Þarfaþing um framkvæmd byggingarinnar og eru umsamin verklok 31. janúar 2025.

Lóðin er um 12.500 m² að flatarmáli og þar af er leikskólabyggingin um 1.200 m².  Verktaki fær lóðina afhenta grófjafnaða í hæð um 15 cm undir endanlegri hæð.  Framkvæmdin felst í að fullgera lóð og bílastæði með girðingum, leiktækjum o.fl.

Jarðvinna á lóð hefur farið fram að hluta, þ.e. að taka burt lífrænan jarðveg, fleyga niður sprungur og gjótur og fylla í þær ásamt að fylla í lóð upp í hæð 15 – 20cm undir endanlegu yfirborði.

Framkvæmdinni er skipt upp í tvo áfanga svipað stóra og er lok fyrrihluta 15. desember 2024 og lok seinni hluta 1. maí 2025.

Í fyrri hluta framkvæmdar eru bílastæði og lóð norðan og vestan við hús, auk lóðar sunnan við hús næst skólanum.

Nánari skilgreining á áfangaskiptingu verður gerð með verktaka við samningsgerð.

Sjá frekar.