F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Bakkaborg, endurgerð lóðar 2016, 1. áfangi, útboð nr. 13684.
Verkið er 1. áfangi í endurgerð lóðar Bakkaborgar við Blöndubakka 2, 109 Reykjavík. Í þessum áfanga er svæðið milli bygginga og hluti svæðis þar fyrir vestan, um það bil 730 m². Um er að ræða fullnaðarfrágang á viðkomandi svæði.
Helstu verkliðir eru jarðvinna, landmótun, hellulögn, frágangur gras- og gróðursvæða og frágangur kringum leiktæki.
Verkkaupi leggur til leiktæki, fallvarnarefni, gervigras og yfirborðs meðhöndlun (málning, gúmmi) malbiks og verða þeir verkliðir unnin af verktökum / aðilum á vegum söluaðila (leiktæja og yfirborðsefna) samhliða öðrum verkþáttum verktaka.
Verktaki þarf að skila undirvinnu á leiksvæðum fyrir 1. júlí 2016 vegna uppsetningar leiktækja, fallvarnarefnis og gervigrass. Uppsetning þeirra verður á vegum söluaðila búnaðarins á tímabilinu 2. júlí til 5. ágúst 2016.
Útboðsgögn á geisladiski verða seld á 3.000 kr. frá og með mánudeginum 4. apríl 2016 í afgreiðslu þjónustuvers Reykjavíkurborgar, Borgartúni 12 – 14, 105 Reykjavík.
Opnun tilboða: Þriðjudaginn 19. apríl 2016 kl. 14:00 í Borgartúni 12-14. Tilboðum skal skilað í þjónustuver Reykjavíkurborgar.
