Ríkiskaup, fyrir hönd rammasamningsaðila, tilkynna undirbúning að nýjum rammasamningi fyrir þjónustu iðnmeistara í tengslum við viðhald, viðbætur og endurnýjun á fasteignum.
Útboðið mun taka til eftirfarandi þjónustuflokka/iðngreina:
Blikksmíði
Málun
Málmiðn
Múrverk
Pípulögn
Rafiðn
Skrúðgarðyrkja
Trésmíði
Þátttakendum verður heimilt að bjóða í einstaka hluta útboðsins, og mun útboðið ásamt samningum í kjölfarið ná til alls landsins.
Kröfur til bjóðenda:
Skráning í fyrirtækjaskrá.
Trygg fjárhagsstaða.
Skil á opinberum gjöldum, þ.m.t. skatt, virðisaukaskatt og lífeyrisskuldbindingar.
Uppfylling allra lögboðinna krafna til starfsemi í viðkomandi iðngrein.
Sjá nánar leiðbeiningar um þátttöku í útboðum Ríkiskaupa hér:
Mikilvæg tilkynning til áhugasamra aðila:
Við hvetjum alla áhugasama að fylgjast náið með á útboðsvefnum og skrá sig í áskrift til að fá tilkynningu um nýjar auglýsingar. Það er brýnt að lesa útboðsgögnin vandlega og vanda frágang þeirra gagna sem óskað er eftir, til að komast hjá því að tilboð verði vísað frá.
Í ljósi reynslu af síðasta rammasamningi um þjónustu iðnmeistara, sem var að meðaltali 3 milljarðar án vsk á ári, sjáum við fram á spennandi og ábatasamt samstarf.
Skil á tilboðum og fylgigögnum
Öllum tilboðum mun verða skilað rafrænt í útboðskerfi Ríksikaupa, TendSign. Hægt er að nálgast leiðbeiningar um skráningu.
Hvetjum aðila til að kynna sér Leiðbeiningar varðandi tilboðsgerð og skráningu á vefsíðu Ríkiskaupa.
Fyrirhugað er að auglýsa útboðið í apríl.
Heimild: Rikiskaup
