Vegagerðin býður hér með út eftirlit og ráðgjöf með útboðsverkinu „Reykjanesbraut (41), Snekkjuvogur – Tranavogur, göngu- og hjólabrú“. Verkið innifelur uppsetningu og allan frágang göngubrúar með stigahúsum og fólkslyftum yfir Sæbraut á milli Snekkjuvogs og Dugguvogs.
Val bjóðenda fer fram á grundvelli hæfnisvals og verðs og ber bjóðendum að leggja fram tilboð
sitt í tveimur hlutum, þ.e. upplýsingar um hæfni bjóðenda og verðtilboð.
Verklok eru áætluð um haustið/veturinn 2024.
Útboðsgögnin eru aðgengileg og verða afhent í rafræna útboðskerfinu TendSign frá og með þriðjudeginum 30. janúar 2024 og skal tilboðum skilað rafrænt í því útboðskerfi fyrir kl. 14:00 þriðjudaginn 20 febrúar 2024.
Ekki verða haldnir sérstakir opnunarfundir en eftir lok tilboðsfrests verður bjóðendum tilkynnt um nöfn bjóðenda í útboðinu. Föstudaginn 23. febrúar 2024 verður bjóðendum tilkynnt niðurstaða verðtilboðs hæfra bjóðenda.
